ទីក្រុងតាលិន – ថ្ងៃសុក្រទី១៩ កញ្ញា ឆ្នាំ២០២៥ រដ្ឋាភិបាលអេស្តូនីបានប្រកាសថា យន្តហោះចម្បាំងរបស់រុស្ស៊ីចំនួន៣គ្រឿង បានហោះចូលក្នុងដែនអាកាសអេស្តូនីប្រហែល១២នាទី ជិតកោះ Vaindloo ក្នុងឈូងហ្វាំងឡង់។ តាមការបញ្ជាក់របស់អាជ្ញាធរ យន្តហោះទាំងនេះបានបិទឧបករណ៍បញ្ជូនសញ្ញា transponder មិនបានដាក់ផែនការហោះហើរ និងមិនទាក់ទងជាមួយមជ្ឈមណ្ឌលត្រួតត្រាអាកាសចររបស់អេស្តូនី។បន្ទាប់ពីរកឃើញការរំលោភនេះ យន្តហោះចម្បាំងនាឡូតង់ (NATO) ត្រូវបានបញ្ជូនឡើងទៅបណ្តេញយន្តហោះរុស្ស៊ីឲ្យចេញពីដែនអាកាស។
រដ្ឋមន្រីករដ្ឋបាលការបរទេសអេស្តូនី លោក Margus Tsahkna បានថ្លែងថា ការរំលោភនេះគឺជា “សកម្មភាពក្លាហានមិនអាចទ្រាំទ្រ” និងជាការបង្ហាញពីគោលនយោបាយប្រថុយប្រថានរបស់រុស្ស៊ី។ ខណៈដែលនាយករដ្ឋមន្ត្រី Kristen Michal បានបញ្ជាក់ថា អេស្តូនីបានហៅអ្នកតំណាងទូតរុស្ស៊ីមកទទួលការតវ៉ាផ្លូវការ។
ជាមួយគ្នានេះ អេស្តូនីក៏បានទាមទារឲ្យអូតង់ប្រជុំតាម មាត្រា៤ នៃសន្ធិសញ្ញា NATO ដើម្បីពិភាក្សាអំពីភាពស្ថិតស្ថេរ និងវិធានការការពារបន្ថែមទៀត។
ករណីនេះកើតឡើងបន្ទាប់ពីមានរបាយការណ៍រំលោភដែនអាកាសមិនត្រឹមត្រូវជាច្រើនលើកកន្លងមកក្នុងតំបន់ បង្កឲ្យមានការព្រួយបារម្ភថា ភាពតានតឹងរវាងរុស្ស៊ី និងប្រទេសសមាជិកអូតង់អាចបន្តកើនឡើង។
